د ولایتونو پوهنې کړنو ته لنډه کتنه
ننګرهار
د ننګرهار ولایت د شیخ مصري صنعتي پارک لومړني ښوونځي ته د یوې تعلیمي همکارې ادارې لخوا د ۱۴۹ زره۶۰۰ افغانیو په لګښت ۸ عدده آی پاډ وپېرل شول.
میدان وردګ
د میدان وردګ ولایت د سید آباد ولسوالۍ باغک تعلیم القرآن مدرسې جومات ته د ۱۸۰ زره افغانیو په لګښت یو فرش د شهید اسدالله ورثې یو تن علم پروره شخصیت لخوا وپېرل شو.
بامیان
د بامیان ولایت د دیني مدارسو مدیرانو او چارواکو لپاره "د دیني مدارسو د چارواکو او مدیرانو لپاره ځانګړي اداري لارښود" تر سرلیک لاندې د رسمي مکاتیبو او اداري اسنادو چمتو کولو لارښونې په اړه یو ورځنی سیمینار ترسره شو.
هرات
د هرات ولایت پوهنې ریاست چارواکو په روان تعلیمي کال کې په رسمي او خصوصي ښوونځیو کې د ۱۰۲ زره څخه زیاتو نویو زدهکوونکو د جذب اعلان وکړ.
هغوی په تعلیمي ادارو کې د ماشومانو ګمارنه مهمه وګڼله او ویې ویل چې ورته اړینې تعلیمي اسانتیاوې برابرې شوې دي.
