د ولایتونو له پوهنې څو خبرونه
هرات
د یوې همکارې تعلیمي ادارې په ملاتړ د هرات ولایت زنده جان ولسوالۍ اړوند د میمیزک ښوونځي سره د ۱۲۰ زره افغانیو مرسته شوې ده.
په دې مرسته کې یو پایه کمپیوټر، تعلیمي کڅوړې او د څښاک پاکو اوبو څاه کیندل شامل دي.
زابل
د زابل ولایت شینکي ولسوالۍ د تجوید القرآن مدرسې لپاره د نویو درسي خونو جوړول د ځایي خلکو په مالي مرسته د ۴۵ زره افغانیو په لومړني لګښت پیل شوي دي.
د پورته ذکر شویو درسي خونو جوړولو وروسته، د ۲۷۰ تنو څخه زیاتو زدهکوونکو لپاره به مناسب تعلیمي چاپېریال چمتو شي.
کاپیسا
د کاپیسا ولایت پوهنې ریاست تخنیکي چارواکو په یاد ولایت کې د نماز جای عالي لیسې لپاره د درسي خونو جوړولو پروژه وڅارله او معلومه شوه چې د دغې پروژې کارونه د اړتیا وړ معیارونو سره سم ترسره شوي او د ښه کیفیت لرونکي دي.
