د ولایتونو له پوهنې ریاستونو څخه د ځینو خبرونو لندیز
کابل ښار
"د سیرت ستوري" سیالۍ پایلې، چې د کابل ښار نهمې ناحیې د ښوونځیو د ۲۰۰۰ څخه زیاتو زده کوونکو ترمنځ پیل شوې وې، اعلان او غوره زده کوونکو ته ډالۍ ورکړل شوې.
کابل ولایت
د کابل ولایت په ۱۴ ولسوالیو کې د ښوونځیو د زده کوونکو لپاره د ساینس ستوري سیالۍ پایلې اعلان او ۲۵تنه زده کوونکي چې د خپلو هڅو له امله د سیالۍ په سر کې راغلي وو، د چارواکو لخوا د یوې غونډې په ترڅ کې وویاړل شول.
د یو بل خبر له مخې:
د کابل ولایت پوهنې رئیس محترم الحاج مولوي عبدالسلام شعیب لخوا، د پغمان ولسوالۍ د ۳۰۰ تنو زده کوونکو ترمنځ د ترسره شوې سیرت النبي صلی الله علیه وسلم سیالۍ پایلې اعلان او هغه زده کوونکي چې په یادو سیالیو کې یې معیاري نمرې یې ترلاسه کړې وې، وهڅول شول.
پروان
د پروان ولایت د مرکز او نهو ولسوالیو د زده کوونکو د علمي اختراعاتو نندارتون، چې ۱۶۱ نوښتونه پکې شامل وو، پرانستل شو.
لوګر
د لوګر ولایت د ازرې ولسوالۍ یو بانفوذه شخصیت حاجي عصمت الله د یادې ولسوالۍ اړوند رضا خېلو لیسې ته د ۱۳۰۰۰ افغانیو په لګښت ۳ لیپټاپونه وپېرل.
