د ولایتونو له پوهنې ډګره څو لنډ خبرونه
پکتیکا
د پکتیکا ولایت ارګون ولسوالۍ د ژندرۍ منځني ښوونځي احاطوي دېوال د ځایي خلکو په مالي مرسته د ۳۰ زره افغانیو په لګښت جوړ شو.
سرپل
د سرپل ولایت ګوسفندي ولسوالۍ د ښوونځیو د چاپېریالي ساینس مضمون په برخه کې ۳ تنو ښوونکو لپاره د ۸ ورځو لپاره سیمینار ترسره شو، چې موخه یې د هغوی مسلکي وړتیاوې لوړول دي.
کابل
د کابل ولایت بګراميو او ده سبز ولسوالیو ۱۲۸ تنو ښوونکو لپاره د تدریسي مهارتونو وړتیا لوړولو په اړه ۳ ورځنی سیمینار ترسره شو.
د یاد سیمینار موخه د نویو تدریسي مېتودونو او تخنیکونو سره د ښوونکو آشنا کول وو.
غور
د غور ولایت پوهنې ریاست د یوې همکارې ادارې په مالي ملاتړ سره، د یاد ولایت د تولک او ساغر ولسوالیو ۱۲۰ تنو ښوونکو د مهارتونو او مسلکي پوهې لوړولو لپاره یو مېتودولوژیکي سیمینار جوړ کړ.
