د پوهنې وزارت د مدارسو او دارالحفاظونو د اداري کارکوونکو مسلکي وړتیاوو لوړولو په اړه سیمینار جوړ شو

د پوهنې وزارت د اسلامي زده‌کړو معینیت د مدارسو او دارالحفاظونو ریاست، د کابل ښار اړوندو مدارسو او دارالحفاظونو د اداري او اجرائیوي مدیرانو د مسلکي ظرفیتونو لوړولو په اړه دوه ورځنی علمي سیمینار پیل کړ.
د پورته ذکر شوي سیمینار په پرانیستونکې وینا کې، د مدارسو او دارالحفاظونو رئیس محترم الحاج مولوي عبدالرزاق صدیق د دغه سیمینار د اهدافو او اهمیت په اړه خبرې وکړې او د مدارسو د همغږۍ او اداري پروګرامونو د ادغام او یو واحد تعلیمي نصاب په جوړولو یې ټینګار وکړ.
په دغه سیمینار کې به ګډون‌والو ته په تدریس او اداري څانګو کې د علاقې وړ موضوعاتو سربېره کړنلاره، د رخصتیو ډولونه، تقاعد او د نويو ټاکل شويو اشخاصو معرفي کول، د حاضرۍ راپورونو چمتو کول، د مالیې محاسبه او معاشونو سیسټم تشرېح او یو شمېر نور اړین مسایل تدریس شي.
یاد سیمینار په مبارکې دعائیې سره پای ته ورسېد.