په میدان وردګ ولایت کې د یو باب ښوونځي لپاره درسي توکي برابر شول
د میدان وردګ ولایت پوهنې ریاست مسوولین وایي: د یاد ولایت په مرکز کې د «رستمخېل لېسې» لپاره د یاد ښوونځي د تعلیمي شورا د غړو په مالي همکارۍ لاندې کړنې ترسره شوي دي:
د امنیتي کامرو نصبول، د کمپیوټر یو ټولګی جوړول، د سیوري چتر/ سایهبان جوړول، د مېزونو او څوکیو ترمیم، د درسي کتابونو پېرودل او د تقویتي درسي کورسونو پیلول شامل دي، چې ټولیز لګښت یې شاوخوا ۲۲۹ زره افغانۍ شوی دی.
مسوولین د یادې لېسې د ادارې او د تعلیمي شورا د غړو هڅې ستایي او وایي چې د همدغه ښوونځي د پرمختګ لپاره ښه همغږي کولای شي، زده کوونکو ته یو غوره تعلیمي چاپېریال برابر کړي.
