د غور ولایت په دولتیار ولسوالۍ کې د یوه ښوونځي لپاره نوې ودانۍ جوړېږي
د غور ولایت دولتیار ولسوالۍ اړوند د «سیاهخارک خربید لومړني ښوونځي» د ودانۍ بنسټ ډبره، د پوهنې ریاست مسوولینو او د سیمې د مخورو په حضور کې کېښودل شوه.
د یاد ولایت پوهنې مسوولینو په وینا، دغه ودانۍ به شپږ درسي خونې ولري او د ۱۵۰ زره افغانیو څخه په زیات لګښت د ښوونځي د شورا غړو او د سیمې د علمدوستو خلکو په همکارۍ جوړیږي.
پوهنې وزارت د غور ولایت د علمپروره خلکو له دغه نېک اقدام څخه ستاینه کوي او دا ډول هڅې د ښوونې او روزنې لاښه والي لپاره مهمې ګڼي.
