دننګرهار ولایت په تودو سیمو کې دښوونځیو کلنۍ ازموینې پېل شوې

media-moe
پنجشنبه ۱۳۹۸/۳/۲ - ۱۱:۳۸
دننګرهار ولایت په تودو سیمو کې دښوونځیو کلنۍ ازموینې پېل شوې

دازموینو دپېل په مراسمو کې چې د جلال اباد ښار په بي بي زینب لېسه کې جوړ شوي وه د پوهنې ریس حسیب الله شینواري په خپلو خبرو کې لومړی زده کوونکو او ښوونکو ته د یو ښوونیز کال د پای ته رسیدو له امله مبارکي وویله او هیله یې وکړه چې ازموینې به د صمیمیت په فضا کې تیرې شي .
دپوهنې ریس ښوونکي او امنیتي ځواکونه د هیواد رښتیني بچیان یاد کړل ویې ویل امنیتي ځواکونه په خورا مېړانه او سرښندنه د هیواد ملي او اسلامي ارزښتونو ساتنه کوي او ښوونکي ددې وطن نسل له تیارو راوباسي او ټولنې ته یې د یو سالم او په کار پوه انسان په توګه د خدمت لپاره وړاندې کوي.
دپوهنې ریس ښوونکو ته په خطاب کې وویل ازموینه نه یوازې داچې د زده کوونکو د پوهې کچه معلوموي بلکې دښوونکو لپاره یوه ارزونه هم ده او ښوونکي باید له هرې ازموینې وروسته د ځان ارزونه وکړي چې څومره په خپلو درسي پلانونو او زده کوونکو ته دپوهې او تجربو په لیږد کې بریالي او یا پاتې راغلي دي. هغه همدا راز د دولسمو ټولګیو نجونو زده کوونکو ته په خطاب کې وویل تاسو باید ددولسم ټولګي په فراغت بسنه ونکړئ، بلکې اوسمهال په افغانستان کې د لوړو زده کړو ترسره کولو لپاره ګڼې اسانتیاوې رامنځته شوي او نجونې باید له دې اسانتیاوو ګټه پورته کړي.
هغه همدا راز وویل افغانستان دا مهال لوستو میرمنو ته په بېلابېلو برخوکې اړتیا لري او څومره چې نجونې خپلې لوړې زده کړې تر سره کوي په هماغه کچه ورته د خدمت کولو زمینې هم برابریږي.
حسیب الله شینواري وویل سږ کال د ننګرهار ولایت دتودو سیموېه (۶۲۳) بابه ښوونځیو کې کلنې ازموینه تر سره کیږي چې پکې د(۲۰۸۴۹۲) تنو نجونوپه ګډون (۵۷۷۹۷۷) تنه زده کوونکي برخه لري او ددغو زده کوونکو دازموینې بهیر د (۱۶۳۳) تنو میرمنو په ګډون د (۱۱۲۰۰) تنو ښوونکو له لورې پر مخ بیول کیږي.
ټاکل شوې چې دا ازموینې د روانې جوزا میاشتې پر نولسمه نیټه پاې ته ورسیږي.

تازه خبرونه

پنجشنبه ۱۳۹۹/۲/۲۵ - ۱۵:۱۰
Background image

د پوهنې وزارت خبرتیا!

د پوهنې وزارت_کابل: په هیواد کې د تودو سیمو ولایتونو "هلمند، کندهار، فراه، لغمان، ننګرهار، نیمروز او کنړ" او همدا رنګه په سړوسیمو ولایتونو کې د تودو سیمو د ښوونځیو د زده کوونکو کلنۍ. . .

شنبه ۱۳۹۹/۲/۲۰ - ۱۴:۷
Background image

د ښوونكو او كاركوونكو د معاشونو وركړه به په ټول هيواد كې په استثنايي ډول دوام ولري

د ښوونكو او كاركوونكو د معاشونو وركړه به په ټول هيواد كې په استثنايي ډول دوام ولري

۲۰ غويى ۱۳۹۹

پوهنې وزارت _ كابل: د تودو سيمو د حق الزحمه ښوونكو د معاشونو د وركوولو موضوع چې د. . .

پنجشنبه ۱۳۹۹/۲/۱۸ - ۱۵:۱۷
Background image

د حضرت علي نجونو ښوونځي ته د ۶۴ میلیونه افغانیو په ارزښت د درې پوړېزې ودانۍ چارې پیل شوې

د پوهې وزارت پکتیا: د پکتیا ولایت په سید کرم ولسوالی کې د حضرت علي نجونو ښوونځي د ودانۍ جوړولو د بنسټ ډبره کېښودل شوه.
د بنسټ ډبرې اېښودلو په دې مراسمو کې د پکتیا والي شمیم خان کټوازي،. . .

BACK TO NEWS