د آزموینو ملي ادارې رئیس د ننګرهار ولایت د پوهنې له مسئولینو سره وکتل
د آزموینو ملي ادارې رئیس شیخ عبدالباقي حقاني، د ننګرهار ولایت د پوهنې ریاست په دفتر کې، د یاد ریاست له مشرتابه سره وکتل.
په پیل کې د یاد ولایت پوهنې رئیس مفتي حبیب حضرت حقاني، د آزموینو ملي ادارې د رئیس له ورتګ هرکلی وکړ او د همدې ادارې د کړنو، په ځانګړي ډول د کانکو آزموینې د پروسې پلې کولو برخه کې یې د دغې ادارې د همکارۍ ستاینه وکړه.
ورپسې د آزموينو ملي ادارې رئيس د ننګرهار ولايت د پوهنیز وضعيت لاښه والي په اړه خبرې وکړې؛ د اسلامي او عمومي زده کړو د دولسمو او څوارلسمو ټولګيو فارغانو ته یې، د کانکور آزموينې د اخيستلو په تړاو پر لازیاتې همغږۍ ټينګار وکړ.
غونډه د دعائیې په لوستلو سره پای ته ورسېده.
