د بامیان ولایت پنجاب ولسوالۍ د ښوونځیو ښوونکو مسلکي مهارتونو لوړولو لپاره ورکشاپ جوړ شو
د بامیان ولایت په پنجاب ولسوالۍ کې د ۶۸ تنو ښوونکو او مسئولینو د مسلکي وړتیاوو لوړولو په موخه، د یاد ولایت پوهنې مسئولینو په حضور کې ۵ ورځنی ورکشاپ پرانیستل شو.
د بامیان ولایت پوهنې چارواکي وايي، د پوهنې ریاست تل هڅه کوي چې د ښوونکو مسلکي مهارتونه پیاوړي کړي، ترڅو د معیاري تدریسي مېتودونو په کارولو سره د تدریس په لاښه والي کې بنسټیز بدلونونه ولیدل شي.
د یادونې وړ ده چې د سږ کال په اوږدو کې د همدغه ولایت د ټولو ولسوالیو پوهنې آمریتونو په کچه د ښوونکو لپاره ورته ورکشاپونه ترسره شوي دي.
