د خوست خلکو د یاد ولایت مدارسو او ښوونځیو سره ۲۴ مېلیونه افغانۍ مرسته وکړه
د روان ۱۴۰۴ لمریز کال په لومړۍ ربع کې، د تعلیمي شوراګانو له لارې د خوست ولایت مدارسو او ښوونځیو سره شاوخوا ۲۴ مېلیونه افغانۍ نغدي مرسته شوې ده.
د یاد ولایت پوهنې رئیس محترم مولوي فیض الله جمال حقاني په خپله وینا کې، د خلکو دوامداره مادي او معنوي ملاتړ له ښوونیز نظام سره د ولسونو د ژورې علاقې نښه وبلله.
د پوهنې وزارت مشرتابه د هېواد علمه پروره خلکو په شمول، د خوست ولایت د اوسېدونکو مالي ملاتړ څخه ستاینه او هرکلی کوي.
