د روان کال په لومړۍ ربع کې د بامیان ولایت له پوهنې سره نږدې ۴ میلیونه افغانۍ مرسته شوې
د بامیان ولایت د پوهنې ریاست راپورونو له مخې، د ۱۴۰۵ لمریز کال په لومړۍ ربع کې د یاد ولایت په مرکز او ولسوالیو کې له یو شمېر تعلیمي مرکزونو سره د ۳ میلیونه، ۷۵۲ زره او ۳۵۰ افغانیو په ټولیز ارزښت مالي مرسته شوې ده.
د یاد ریاست مسوولینو د خلکو او علمپروره اشخاصو له مادي او معنوي ملاتړ څخه د مننې ترڅنګ ویلي، چې دغه ډول ولسي همکارۍ د پوهنې پر وړاندې د خلکو د پاملرنې، ملاتړ او لېوالتیا څرګنده نښه ده.
