د روان کال په څلورو میاشتو کې د سرپل ولایت له پوهنې سره څه د پاسه ۵.۵ مېلیونه افغانۍ مرسته شوې

د ۱۴۰۴ لمریز کال له پیل راهیسې، د سرپل ولایت په مرکز او ولسوالیو کې د تعلیمي ادارو ملاتړ لپاره په ټولیزه توګه ۵ مېلیونه ۶۸۰ زره ۸۰۰ افغانۍ د شوراګانو له لارې راټولې او د یاد ولایت ښوونیزو بنسټونو ته ورکړل شوې دي.
د پوهنې مسئولینو په وینا، دا مرسته په مختلفو برخو کې لکه؛ د رضاکار ښوونکو د معاشونو ورکړې، د ښوونځیو جوړولو او بیارغونې، د تعلیمي مرکزونو لپاره د ځمکې اخیستلو، د مېزونو - څوکیو ترمیم او د نورو اړینو تجهیزاتو او توکو پېرودلو کې لګول شوې دي.
د پوهنې وزارت، د ښوونیز نظام پیاوړتیا برخه کې د سرپل ولایت علم پروره خلکو له مرستو څخه مننه او قدرداني کوي.