د سواد زده کړې ملي کمیټې غونډه وکړه

media-moe
چهارشنبه ۱۳۹۹/۴/۲۵ - ۱۹:۲۵
د سواد زده کړې ملي کمیټې غونډه وکړه

پوهنې وزارت، کابل: د جمهوري ریاست د دویم مرستیال ښاغلي سرور دانش په مشرۍ د سواد زده کړې ملي کمیټې غونډه وکړه په دې غونډه کې د پوهنې وزارت ګزارش د کمیټې د مخکینیو پریکړو، د سواد زده کړې د کمیټو د ګزارشونو وړاندې کول، د بیلا بیلو دولتي ادارو د سواد زده کړې له معینیت سره د ١٣٩٨ کال د هوکړه لیکونو پلي کول، د سواد زده کړې د برنامو پلي کول, د کرونا ویروس په شتون کې د لویانو د اساسي زده کړو او سواد زده کړو د طرحې وړاندې کول او د افغانستان د راتلونکې لپاره د ښوونې او روزنې (BESAF) د ښه سیستم له برنامو څخه د ګزارشونو وړاندې کول تر غور او څیړنې لاندې ونیول شول.

په پیل کې ښاغلي دانش هیله مندي ښکاره کړه چې د نوې رهبرۍ په راتلو به د پام وړ پرمختګ د معارف په ډګر کې په لاس راشي ښاغلي دانش د سواد زده کړې له عمومي وضعیت څخه خوښي څرګنده کړه خو د ځینو ولایتونو ننګونو ته یې هم اشاره وکړه او پوهنې وزارت ته یې سپارښتنه وکړه چې په هغه ولایتونو کې چې د سواد زده کړې برنامې له ستونزو سره مخ دي یو کره ګزارش جوړ او د سواد زده کړې ملي کمیټې ته یې وسپاري تر څو په دې اړه لازم اقدامات وشي همدارنګه د سواد زده کړې معینیت ته دنده وسپارل شوه چې د سواد زده کړې په برخه کې د خپلو تیرو پنځو کلونو تجربې او ارزونې د خپلو پلانونو سره یو ځای د راتلونکي پنځه کلن ستراتیژي پلان لپاره حکومت ته وسپاري.

همدارنګه ښاغلي دانش پوهنې وزارت ته دنده وسپارله تر څو د جینیوا کنفرانس لپاره چې په روان کال کې جوړيږي د زده کړې او سواد په اړه د افغانستان لپاره د نړیوالو د ژمنو او اجرااتو کره کزارش جوړ او د راتلونکي لپاره د هم خپلي طرحې په کې په پام کې ونیسي.

وروسته د پوهنې وزارت سر پرستې آغلې رنګینې حمیدي د کمیټې د تیرو فیصلو د اجرااتو په اړه معلومات ورکړل زیاته یې کړه چې د سواد زده کړې د معینیت فعالیتونه د سواد زده کړې د پراختیا په موخه په ولایتونو او ولسوالیو کې د پام وړ پرمختګ کړی دی.

د سواد زده کړې معین ښاغلي سردار محمد رحیمي هم د سواد زده کړې د ولایتي کمیټې ګزارش او د ١٣٩٨ کال د هوکړه لیکونو د پلي کولو او همدا رنګه د کرونا ویروس په شتون کې د سواد زده کړې د برنامو د اجرااتو په اړه معلومات ورکړل زیاته یې کړه چې په وروستیو کلونو کې سواد زده کړې ډیره پراختیا موندلې ده او دښځو او نارینه وو د زده کړې واټن ډیر سره نږدې شوی دی همدارنګه د لویانو لپاره د سواد زده کړې نوې طرحه د سواد زده کړې د معینیت لخوا وړاندې شوه چی د لویانو د زده کړو او د سواد زده کړو د وضعیت تحلیل، موخې،په پالیسیو کې اساسي تغییرات،د ښه او مطلوب وضعیت ته د رسیدو استراتیژۍ، د جوړښتونو د اصلاحاتو دپلي کیدو پلان داهغه موضوعات وو چې په غونډه کې پرې بحث او تر څیړنې لاندې ونیول شول.

په پای کې دګډونوالو لخوا تایید او سپارښتنه وشوه چې د پلي کیدو مراحل یې د تر لاس لاندې ونیول شي په دې غونډه کې د BESAF یا د ښوونې او روزنې د ښه سیستم برنامه د افغانستان د راتلونکي لپاره چې د یونسکو د ادارې سره په همغږۍ کې پر مخ وړل کیږي غونډې ته ګزارش ورکړل شو او د یونسکو استازي ژمنه وکړه چې دتل په څیر به د افغانستان د دولت او خلکو تر څنګ په افغانستان کې د زده کړې د پراختیا په برخه کې به پر خپلو ژمنو ولاړ وي.

تازه خبرونه

سه‌شنبه ۱۳۹۹/۷/۱ - ۱۴:۲۰
Background image

د کنړ د پوهنې ریاست اړوند د محلي ټولګیو سره د درسي توکو مرسته وشوه

د پوهنې وزارت_کنړ: د کنړ ولایت د پوهنې ریاست په چوکاټ کې د (Save The Children) نړیوالې مؤسیسې له لوري، خاص کونړ، څوکۍ، نرنګ او نورګل ولسوالیو د پوهنې امریتونو اړوند محلي ټولګیو ته د. . .

سه‌شنبه ۱۳۹۹/۷/۱ - ۱۴:۱۵
Background image

د سولې نړیوالې ورځې په ویاړجوړې شوې انځوریزې سیالۍ کې د بي بي حوا او بي بي مریم لېسو لومړی او دویم مقام تر لاسه کړ

د پوهنې وزارت_ننګرهار: د ننګرهار ولایت د پوهنې ریاست اړوند د ښوونځیو زده کوونکو د سولې نړیوالې ورځې په ویاړجوړې شوې انځوریزې سیالۍ کې لومړی او دویم مقام تر لاسه کړ!

دا سیالي د سولې. . .

دوشنبه ۱۳۹۹/۶/۳۱ - ۱۱:۲۹
Background image

متوسطه محمدیه القان در ولایت دایکندی افتتاح و به بهره برداری سپرده شد

مکتب متوسطه محمدیه القان ولسوالی شهرستان ولایت دایکندی طی محفل از سوی محمدضیا همدرد والی دایکندی در حالیکه فاطمه اکبری معاون اجتماعی، رحمت الله سیرت رئیس معارف و شمار از مسئولین ارگان. . .

BACK TO NEWS