د سواد زده کړې ۲ بابه کورسونه پرانیستل شول
د پوهنې وزارت د سواد زده کړې ریاست خبر ورکوي، چې په دې وروستیو کې یې د مالیې وزارت د ګمروکونو او د کلیو پراختیا وزارت د خدماتي کارکوونکو او اجیرانو لپاره د سواد زده کړې ۲ بابه کورسونه جوړ او په رسمي ډول یې د یو لړ مراسمو په ترڅ کې خپل فعالیت پیل کړ. په یادو مراسمو کې د پوهنې وزارت د سواد زده کړې ریاست په مسئولینو سربېره، د کابل ولایت د ګمرکونو او د کلیو پراختیا ریاستونو استازو هم ګډون کړی و، چې هر یو په خپل وار په ټولنه کې د پوهنې پر ارزښت د خبرو تر څنګ، د خپلو دوامداره همکاریو ډاډ ورکړ.
