د فراه ولایت په یو شمېر ښوونځیو باندې تدریسي او لابراتواري مواد ووېشل شول
![852](/sites/default/files/2024-05/438099576_408341988860397_565677784983952012_n.jpg)
د فراه ولایت پوهنې رئیس مولوي اختر محمد زعیم په ښوونځیو کې د ساینسي مضامینو د عملي درسونو د تدریس په موخه، د یاد ولایت د ۱۰ بابه لېسو لپاره د لابراتواري او درسي موادو د وېش خبر وکړ.
نوموړي وويل: په دغو توکو کې یوزره ٥٧٣ قلمه لابراتواري مواد، ساینسي او نور درسي توکي شامل دي، چې ټول ټال ارزښت يې ٤٠٠ زره ٦٦ افغانيو ته رسېږي.
د فراه ولايت پوهنې رئيس د ښوونځيو له مسئولينو او زده کوونکو وغوښتل، چې د يادو درسي توکو ساتنې او سمې استفادې ته جدي پاملرنه وکړي.