د لغمان له پوهنې ریاست څخه خبرونه
د افغانستان د مخابراتو دولتي شرکت په پام کې لري چې د نوري فایبر د سیسټم په فعالولو سره د لغمان پوهنې ریاست له انټرنټي خدمتونو برخمن کړي.
د دغه ولايت د پوهنې رئيس مولوي شاه جهان ساجد د ياد شوي شرکت له مسوولينو څخه د مننې په ترڅ کې زياته کړه؛ د انټرنېټ په فعالېدو سره به د دې رياست په کاري بهير کې زياتې اسانتياوې برابرې شي.
د لغمان ولایت د پوهنې رئیس مولوي شاه جهان ساجد د پوهنې وزارت د پلان له رئیس سره په کتنه کې د دغه ریاست پلانونه او لاسته راوړنې بیان کړې او د وړاندې شویو پلانونو په عملي کولو کې یې د لازمې مرستو غوښتنه وکړه.
له بلې خوا د پلان ریس د لغمان د پوهنې ریاست د کړنو د ستاینې په ترڅ کې ورسره د هر ډول مرستو ژمنه وکړه.
د لغمان ولايت د بادپښ ولسوالۍ د پوهنې مسوولينو د دې ولايت د نورو دولتي ادارو د مسوولينو په ګډون د يوې غونډې په ترڅ کې د څو نیالګیو په کېنولو سره د افغانستان د ابادۍ او پرمختګ لپاره دعا وکړه.
د لغمان ولایت د قرغیو ولسوالۍ د پوهنې آمر او ولسوال د پوهنې وضعیت د ارزونې په موخه د دې ولسوالۍ له یو شمېر ښوونځیو (لومړنيو، منځنيو او لېسو) څخه لیدنه وکړه او د پوهنیزو چارو د ښه والي لپاره یې لازم اقدامات ترسره کړل.
د لغمان ولایت د قرغیو ولسوالۍ د پوهنې ریاست د تعلیمي څارنې غړو د دې ولسوالۍ د سلطان ویس بابا او شمشیر آباد ښوونځیو له اداري او تدریسي چارو څخه څارنه وکړه او د یادو ښوونځیو له مدیرانو او ښوونکو سره یې د اداري اصلاحاتو په موخه خبري وکړې.
