د لغمان پوهنې ریاست کې د یو باب جومات د جوړیدو چارې پیل شوې
د پوهنې وزارت، لغمان: د لغمان پوهنې ریاست په انګړ کې د یو محراب مسجد د بنسټ ډبره د ولایت د مقام مرستیال الحاج شهزاده مظلوم يار، د پوهنې رییس عبدالله حمیدي او د یو شمېر ادارو د مسوولینو په شتون کې کیښودل شوه.
د پوهنې رئيس عبدالله حميدي د معلوماتو له مخې ياد مسجد به په ۱۲۰ متره مربع ځمکه کې د همدې رياست د کارکوونکو په مالي امکاناتو جوړېږي، چې په يو وخت کې به د ۱۲۰ لمونځ کوونکو ګنجایش ولري.
همدارنګه د لغمان مرستيال والي الحاج شهزاه مظلوم يار د پوهنې د رئيس او همکارانو څخه يې مننه وکړه، چې په خپلو شخصي امکاناتو يې د ياد مسجد د جوړېدو د بنسټ ډبره کېښودله . هغه وويل خپله به هم د ياد مسجد د جوړېدو په برخه کې مالي همکاري وکړي او له نورو مسوولينو يې هم وغوښتل، چې د خپلې وسې په اندازه دې د دې مسجد د جوړېدو په برخه کې مرسته وکړي.
