د لوګر ولایت د ښوونځیو ١٨٠ تنو منسوبینو لپاره روزنیز پروګرامونه پيل شول
د لوګر ولایت مرکز پلعلم ښار اړوند د ۲۵ بابه ښوونځیو آمرینو، سرښوونکو او د شوراګانو غړو لپاره جلا جلا لنډمهالي روزنیز ورکشاپونه پیل شول.
یاد ورکشاپونه د پوهنې وزارت په همغږۍ او د یوه همکار بنسټ په مالي ملاتړ جوړ شوي دي، چې موخه یې د ښوونځیو د اداري او تدریسي کارکوونکو د علمي او مسلکي کچې لوړول، د تدریس د کیفیت ښه والی او همدارنګه د پوهنې له بهیر څخه د ملاتړ په برخه کې د شوراګانو د غړو روزنه ده.
د دغو ورکشاپونو له لارې به د ۲۵ بابه ښوونځیو ۲۰ تنه آمرین او سرښوونکي او ۸۰ تنه ښوونکي په بېلابېلو اداري او تدریسي برخو کې روزنه ترلاسه کړي.
سربېره پر دې، ۸۰ تنه د شوراګانو غړي به هم د خپلو دندو او مسوولیتونو په اړه اړینې زده کړې ترلاسه کړي.
