د مسلکي پراختیا ریاست د تشکيلاتو په اړه مشورتي ناسته وکړه
د پوهنې وزارت د مسلکي پراختيا د رئیس مولوي محمد ابراهیم عمري په مشرۍ پلاوی، د ښوونکو د مسلکي پراختيا د تشکيلاتو په اړه د وضاحت په موخه هرات ولايت ته ولاړ٠
ياد پلاوي د خپل سفر په ترڅ کې د هرات، فراه، غور، بادغیس او نیمروز ولایتونو له پوهنې رئیسانو او مسؤلینو سره په کتنو کې، د ښوونکو د مسلکي پراختيا تشکيلاتي جوړښت او کړنلاره تشرېح او د بستونو د انتقال، د ښوونکو د روزنې غړو د بستونو او د ښوونيزې څارنې په اړه يې مسٸولینو ته معلومات ورکړل.
په پای کې د مسلکي پراختيا د نوي جوړښت په اړه د ګډون والو پوښتنو ته ځوابونه وویل شول.
