د میدان وردګ ولایت ښوونځیو ته سپورټي توکي ووېشل شول
د میدان وردګ ولایت پوهنې ریاست د یاد ولایت سید آباد ولسوالۍ اړوند د امام ابو حنیفه انخي، عثمانیه، امام ابو حنیفه، تنګي او زرني ښوونځيو ته د والیبال، کرېکټ او رسۍ لوبو تجهیزاتو په ګډون د سپورټي تجهیزاتو ۲۲ کڅوړې او د بدني روزنې ۱۵۱ ټوکه لارښود کتابونه ووېشل.
د چارواکو په وینا، د پورته ذکر شویو وسایلو د توزېع اساسي موخه د سپورټ مضمون تدریس او د زدهکوونکو بدني پیاوړتیا لپاره د عملي اسانتیاوو برابرول دي.
هغوی دا هم وویل چې په راتلونکي کې به ورته پروګرامونه د نورو ولسوالیو ښوونځیو ته هم وغځوي، ترڅو د زدهکوونکو ترمنځ د سپورټ سیالۍ ترسره شي.
