د نیمروز له پوهنې ریاست څخه خبرونه

media-moe
سه‌شنبه ۱۴۰۱/۱۲/۲۳ - ۹:۲۵
dfghj

د هارک سیمه ییزې موسسې استازي د نیمروز ولایت د خاشرود ولسوالۍ د سواد زده کړې او د پوهنې له آمرینو سره د لیدنې پر مهال د سواد زده کړې د ۱۷ ټولګیو ۲۵۰ تنو زده کوونکو ته کتابچې او ښوونیزې توکي ووېشلې.
 د نيمروز ولايت د پوهنې رياست د يادې شوې موسسې له مرستو څخه مننه او قدرداني وکړه.

د نیمروز د پوهنې ریاست د اسلامي زده کړو آمر او ورسره مل پلاوي د نیمروز ولایت د خاشرود، دلارام، کنګ او چخانسور ولسوالیو د پوهنې له آمریتونو څخه لیدنه او څارنه وکړه. نوموړي د دې ليدنې پر مهال د يادو ولسواليو د پوهنې له مسوولينو سره د تدريسي او اداري چارو د ښه والي او د زده کوونکو د ښوونیز وضعيت په باب خبرې وکړې.

په نیمروز ولایت کې د یونیسف سیمه ییز دفتر د دغه ولایت پوهنې ریاست ته ۳۰ تختې خېمې، ۱۱۵۰ کارتن ښوونیزې کڅوړې او ۱۸۴۰ کارتن کتابچې مرستې وکړې.
د پوهني رياست مشرتابه د يادې موسسې له مرستو څخه مننه وکړه او د دغه ولايت نورو برخو ته يې د دوام غوښتنه وکړه.

په ښوونیزو او روزنیزو مرکزونو کې د شنو نیالګیو اېښودلو د کمپاین په دوام دا ځل د نیمروز ولایت په مرکز اړوند د شهید ګل محمد لېسې په انګړ کې زینتي نیالګي کېنول شول.
 د يادې لېسې آمر د نيالګيو کرل د ښوونې او روزنې په ساحو کې د شنه چاپېريال او سوله ييزې فضا رامنځته کول یې مهم اقدام وبلل او له ټولو هېوادوالو يې وغوښتل چې د ميوه لرونکو او غير ميوه لرونکو نيالګيو په کرلو سره د چاپېريال په ښکلا کې ونډه واخلي.

د نبوي دارالعلوم اصلاحي ټولنې د زده کوونکو د هڅونې په موخه غونډه وکړه.
په دې غونډه کې د یادې شوي دارالعلوم آمر د علم او پوهې پر ارزښت خبرې وکړې او له زده کوونکو يې وغوښتل چې په خپلو هڅو او د علم په زده کړې سره د خپل هېواد او ټولنې د پرمختګ لپاره کار وکړي.
 په دې غونډه کې د يادې مدرسې زده کوونکو خپل شعرونه او ليکنې ولوستلې، چې د لېسې د مشرانو او ښوونکو له خوا يې د جایزو په ورکړې سره ستاينه وشوه.

تازه خبرونه

پنجشنبه ۱۴۰۴/۶/۶ - ۱۲:۳۲
Background image

د ولایتونو له پوهنې څو خبرونه

هرات

د یوې همکارې تعلیمي ادارې په ملاتړ د هرات ولایت زنده جان ولسوالۍ اړوند د میمیزک ښوونځي سره د ۱۲۰ زره افغانیو مرسته شوې ده.

په دې مرسته کې یو پایه کمپیوټر، تعلیمي کڅوړې او د څښاک. . .

پنجشنبه ۱۴۰۴/۶/۶ - ۱۱:۷
Background image

د نشه‌يي توکو کمولو ملي کمېټې سره د پوهنې وزارت د سواد زده کړې ریاست فعالیتونه

د اسلامي.ا.مارت عالي مقام د هدایت پر بنسټ، د نشه يي توکو کمولو ملي کمېټه تاسیس شوه، چې د پوهنې وزارت هم د دې کمېټې د سواد زده‌کړې څانګې غړی دی.

د هېواد ټولټال ۱۲ رسمي ادارې د دې کمېټې. . .

پنجشنبه ۱۴۰۴/۶/۶ - ۱۱:۴
Background image

د بدخشان ولایت د یو باب لېسې لپاره احاطوي دېوال جوړولو پروژه بشپړه شوه

د بدخشان ولایت یاوان ولسوالۍ د زو لېسې احاطوي دېوال رغولو کارونه په پاخه او اساسي بڼه بشپړ شول.

یاد دېوال چې د پورته ذکر شوي کلي د خیرخواه خلکو په صادقانه همکارۍ بشپړ شوی، ۹۰ متره. . .

BACK TO NEWS