د هرات ولایت پوهنې رياست له لوري عامه ټولپوښتنه ترسره شوه
د هرات ولایت پوهنې ریاست له لوري د دیني علماوو، فرهنګیانو، استادانو، د خلکو وکیلانو او د ښوونځیو شوراګانو د غړو په ګډون سره د «خلک او پوهنه» تر نامه لاندې ټولپوښتنه ترسره شوه.
د هرات پوهنې رئيس مولوي رحمت الله جابر وويل، چې د یادې ټولپوښتنې موخه، د پوهنې له بنسټونو سره د همکارۍ او ملاتړ په برخه کې د خلکو د ونډې زياتوالى، د پوهنیز نظام لاښه والی، د خلکو د سالمو مشورو ترلاسه کول، د پوهنې ریاست لاسته راوړنو، کړنو، د خلکو سره د پوهنې وزارت او د یاد ولایت د پوهنې ریاست اړوند د بنسټیزو فعالیتونو شریکول وبلل.
همدارنګه نوموړي په دغه ټولپوښتنه کې د ګډون والو له همکارۍ او فعال ګډون څخه هم مننه وکړه له هغوى يې وغوښتل چې د پوهنې له رياست سره مثبتې او اغېزمنې همکارۍ ته دوام ورکړي.
په پای کې دیني علماوو، مشرانو، د شوراګانو غړو او وکیلانو د پوهنې د ودې او پراختیا په برخه کې خپلې ستونزې، نظریات او وړاندیزونه مطرح کړل او د هرات ولایت د پوهنې ریاست له مشرتابه سره یې د همکارۍ ژمنه وکړه.
