د هلمند ولایت د غازي امان الله خان انجونو ښوونځۍ لپاره ځمکه ځانګړې شوه
د پوهنې وزارت_هلمند: د هلمند ولایت د غازي امان الله خان د انجونو ښوونځۍ لپاره د لشګر ګاه ښار د قلعه کهنې په سیمه کي د ښوونځۍ د جوړیدو لپاره دوه جریبه ځمکي ځانکړي شوه .
د هلمند پوهنې رئیس محمد داود شاه صفاری په داسي حال کې چي د لښکرګاه ښاروال او ښار جوړوني رئیس یی ملتیا کوله د قلعه کهنې په سیمه کي د ښوونځۍ د جوړیدو لپاره د دوه جریبه ځمکي څخه لیدنه وکړه.
د هلمند پوهنې رئیس د سیمي د اوسیدونکو مننه وکړه چي د ښوونځۍ لپاره یې تر خپله وسه همکاري کړې ده.
ښاغلي صفاري وویل چي د یادي لیسې لپاره دوه جریبه ځمکي ته اړتیا ده تر څو زده کوونکي په ارامه فضاء کي خپلو زده کړو ته دوام ورکړي.
همداراز د لښکرګاه ښاروال انجنیر عصمت الله صمدي وویل چي د یادي ځمکي پر یوه برخه باندي کورونه شتون لري او د سیمي د وکیل سره تر خبرو اترو وروسته یادو کسانو د نوي ځمکي پر ورکړي سره یاده ځمکه خوشي کوي تر څو د ښوونځۍ ودانۍ باندي جوړه شي.
ښاغلي صمدي د یادي سیمي د مشرانو غوښتنه وکړه چي د ښوونځۍ لپاره ټاکل سوې ځمکه ژر تر ژره خلاصه سي تر څو د ښوونځۍ د جوړیدو چاري پیل شي.
ددې تر څنګ د ښار جوړوني رئیس عبدالولي مبارز وویل چي د غازي امان الله ښوونځۍ د ودانۍ د جوړیدو لپاره ډیري هلي ځلي ترسره شوي او په پایله کي یې منظوري ترلاسه شوې.
د یادوني وړ ده چي د غازي امان الله خان ښوونځۍ لپاره نوې ودانۍ د ښار جوړوني وزارت له لاري جوړیږي.
