د هیواد په یو شمیر ولایتونو کې د کانکور آزموینه واخیستل شوه
پوهنې وزارت ، کابل : د پوهنې، لوړو زده کړو وزارتونو او د آزموینو ملي ادارې د ګډې همغږۍ په اساس، د غویي په نهمه په لوګر ، غور ، زابل ، کندهار ، هلمند ، میدان وردګ ، ډایکنډي او فراه ولایتونو کې د دولسم ټولګيو له ۱۷ زره او ۸۹۱ هلکانو او نجونو زده کونکو څخه، د ۱۴۰۰ کال د کانکور آزموینه واخیستل شوه.
د یادونې وړ ده، چې په یادو ولایتونو کې د آزموینو پرمهال، ولایتي چارواکو، د پوهنې رئيس او مرستیالانو، یو شمیر استادان او ځينې چارواکو هم حضور درلود او د آزموینو د بشپړ شفافیت ډاډ يې ورکړ .
