د ولایتونو له پوهنې ډګره د ځینو خبرونو لنډیز
کندهار
د کندهار ولايت پنجوايي ولسوالۍ اړوند د« فيض القرآن نقشبندیه» مدرسې د قرآن عظيم الشان د یو شمېر حافظانو د فراغت مراسم د پوهنې د مسئولينو، ديني علماوو او قومي مخورو په ګډون د يو لړ پرتمینو مراسمو په ترڅ کې ترسره شول.
غزني
د غزني ولایت خواجه عمري ولسوالۍ اړوند د حاجي کلي د کلي یوه عالم په خپل شخصي لګښت، د ۱۳۰ زره افغانیو په ارزښت د روښان جلال الدین عالي لېسې لپاره ژوره څاه وکیندله.
لوګر
د لوګر ولایت پوهنې ریاست مشرتابه له خپلو کارکوونکو سره د روان کال د عملیاتي پلان د تطبیق، پیاوړتیا، ننګونو او ځینو نورو اړخونو په اړه د تفصیلي خبرو ترڅنګ، هغوی ته لازمې سپارښتنې وکړې.
کاپیسا
د کاپيسا ولايت پوهنې رئيس مولوي محمد فريد حقاني د تګاب ولسوالۍ له ولسوال سره په ګډه، د حضرت علي (کرم الله وجهه) دارالاېتام اداري او تدريسي چارې له نیږدې وکتلې او د کړنو لاښه والي په موخه يې ورته لازمې مشورې ورکړې.
همدارنګه:
د کاپیسا ولایت پوهنې ریاست د یاد ولایت د آله سای ولسوالۍ په رسمي مدارسو کې د دریو خالي بستونو د ډکولو په موخه، له نوماندانو څخه رقابتي آزموینه واخیسته.
د یاد ولايت د پوهنې رئيس له آزموینې څخه د څارنې پرمهال د دې پروسې د روڼتیا ډاډ ورکړ.
