د پوهنې وزارت  سرپرست  وزیر د هیواد  د پوهنې  ولایتي رئیسانو ته  د ویډیويي کنفرانس  له  لارې  وینا  وکړه

د ا.ا.ا د پوهنې وزارت سرپرست وزیر الحاج مولوي حبیب الله آغا د ویډیويي کنفرانس له لارې د هیواد د څلور دېرش ولایتونو د پوهنې رئیسانو ته وینا وکړه.
نوموړي په خپله وینا کې ولایتي رئیسان خپلو دندو ته متوجه کړل، هغوی ته یې سپارښتنه وکړه چې له خپلو کارمندانو او مراجعینو سره غوره سلوک وکړي، خپلې چارې د مشورې او مفاهمې له لار ې  پر مخ بوزي، د اسلامي امارت د مقام  او د پوهنې وزارت دمشرتابه  احکام او فرامین په جدیت سره تعقیب او اجراء کړي، د مسئولینو او کارمندانو په ګمارنه کې له زیات دقت څخه کار واخلي او د  هغوی  تعهد او تخصص په پام کې ولري.
وروسته ولایتي رئیسانو هم له محترم وزیر صاحب سره خپل وړاندېزونه او غوښتنې شریکې کړې او هم یې ژمنه وکړه چې په پوره دقت  او اخلاص به خپلې چارې سرته رسوي.
محترم وزیر صاحب هغوی ته ډاډ ورکړ چې په خپل وخت  سره به ستاسې ټولووړاندېزونو او غوښتنو ته مثبت ځواب ویل کېږي.