د پوهنې وزارت با صلاحیته پلاوی د هرات ولایت ته ورسید

د پوهنې وزارت د مالي او حسابداري  ریاست  د رئیس محترم مفتي عزت الله نوري په مشري، د یاد وزارت تخنیکي پلاوی د تیرې پنجشنبې په ورځ د هرات ولایت ته ورسید. یاد پلاوی چې په ترکیب کې یې د پوهنې وزارت د مالي او حسابداري  ریاست تخنیکي او مسلکي مسئولین او کارمندان شامل دي، غواړي چې  د لویدیځ زون د اړوندو  ولایاتو (هرات، فراه،نیمروز او بادغیس) د پوهنې ریاست له مسئولینوسره  د مالي او تخنیکي چارو په هکله خپل معلومات او تجربې شریکې کړي.
د جمعې په ورځ پلاوي د پورتنیو څلورو ولایاتو د پوهنې له رئیسانو سره تعارفي ناسته درلوده،په یاده ناسته کې محترم مفتي عزت الله نوري د خپل سفر موخه او اهداف له رئیسانو سره شریک کړل.
د شنبې په ورځ سیمینار پیل شو، په سیمینار کې د  هرولایت د پوهنې د ریاست لاندې مسئولین برخه لري:
۱-د پوهنې رئیس ۲-دمالي چارو آمر ۳-دمالي چارو مدیر۴-د معاشاتو د راجسټریشن مسئول ۵-د تدارکاتو مدیر.
په یاد سیمینار کې د لاندې موضوعاتو په هکله ګډون والو ته معلومات ورکول کېږي:
۱-مالي او بودیجوي مسایل  ۲-د معاشاتو د راجسټریشن سیستم ۳-مالي سیستمونه.
د ورځې په لومړۍ برخه کې د پورتنیو موضوعاتو په هکله د سیمینار له ګډون والو سره معلومات شریک کېږي او د په دوهمه برخه کې د پلاوي تخنیکي غړي د سیمینار د ګډون والو پوښتنو ته ځوابونه وایي او له هغوی سره د لوستل شویو موضوعاتو تمرین کوي.