د پوهنې وزارت د اسلامي زده کړو محترم معین د کابل عربي دارالعلوم د طالبالعلمانو له آزموینې بهیر څخه لیدنه وکړه
د پوهنې وزارت د اسلامي زده کړو محترم معین الحاج مولوي کرامت الله «آخندزاده» د یاد وزارت د مقام د دفتر لوی رئیس محترم الحاج مولوي شهاب الدین «ثاقب» په ملتیا، د کابل عربي دارالعلوم د طلابو له څلور نیم میاشتنیو آزموینو څخه لیدنه وکړه.
دا اغېزمن حضور نه یوازې د آزموینو د روڼتیا او نظم د څارنې لپاره و، بلکې د قرآن کریم د حفظ له ټولګیو څخه یې هم لیدنه وکړه، د دارالعلوم علمي او تعلیمي فعالیتونه یې وستایل او مسئولینو سره یې د هغوی د ستونزو حل لپاره د هر ډول همکارۍ ژمنه وکړه.
همدارنګه د کابل عربي دارالعلوم آمر محترم الحاج مولوي عبدالله نعماني د مېلمنو تود هرکلی وکړ او دا لیدنې یې د یاد دارالعلوم د علمي کاروان لاپرمختګ لپاره الهام بښونکې وبللې.
