د پوهنې وزارت د خدماتو نوی رئیس معرفي شو
د پوهنې وزارت د سرچینو او ادارې معین الحاج مولوي صبغت الله وصیل، استاد حبیب الله خالد د پوهنې وزارت د خدماتو د نوي رئیس په توګه معرفي او رسما یې په کار پیل وکړ.
په دغو مراسمو کې د پوهنې وزارت د سرچینو او ادارې معین د مسئولینو دندې یو امانت وګاڼه او له هغوی یې وغوښتل تر څو خپلې دندې په پوره ایماندارۍ او صداقت سره ترسره کړي، دا ځکه چې د اسلامي نظام د پایښت او استحکام لوی لامل د مشرانو اطاعت دی.
دغه راز نوموړي د پوهنې وزارت په ساینس مرکز ریاست کې د نوي رئیس له شویو خدمتونو ستاینه وکړه او د الله تعالی له دربار څخه یې په نوې دنده کې هغه ته د لا زیاتو بریاوو هیله وکړه.
په ورته مهال د پوهنې وزارت د خدماتو نوي رئیس د یاد وزارت د رهبرۍ له باور څخه د مننې ترڅنګ ژمنه وکړه، چې له خپلې تجربې څخه په استفادې سره به په ورسپارل شویې دنده کې په خپل ټول توان سره نه ستړې کېدونکې هلې ځلې وکړي.
