د پوهنې وزارت د سرچینو او ادارې معین د غزني ولایت له یو شمیر نورو مدارسو څخه لیدنه وکړه

د پوهنې وزارت د سرچینو او ادارې د معین شیخ مولوي سعیداحمد شهیدخیل په مشرۍ،د یاد وزارت باصلاحیته پلاوي د غزني ولایت ته د خپل سفر په ترڅ کې د یاد ولایت له لاندې مشهورو مدرسو څخه لیدنه وکړه:
د ترتیل القرآن مدرسه، د اصحاب صفه(رضی الله عنهم) مدرسه او دارالحفاظ، د حضرت حنظله(رضی الله عنه) دارالحفاظ، د امام مالک(رحمه الله ) مدرسه، حنفي دارالحفاظ، د معاذ بن جبل(رضی الله عنه) دارالحفاظ، د عبدالله بن عمر(رضی الله عنه) مدرسه، د حضرت صهیب(رضی الله عنه) مدرسه، د دار القرآن حضرت حکیم سنايي (رحمه الله) مدرسه، د ابی بن کعب(رضی الله عنه) دارالحفاظ، د تحسین القرآن دارالحفاظ، جامعه اسلامیه عثمانیه او جامعه اسلامیه دارالسلام.
هیئت د یادو مدارسو له مسئولینو، استادانو او زده کوونکو سره له نږدې ولیدل، له هغوی سره یې خپلې اړینې سپارښتنې شریکې کړې، هغوی یې دې ته وهڅول ترڅو د تعلیم او تعلم د ستر مسئولیت د اداء په برخه کې پوره هڅه او هاند وکړي، له یادو مدارسو سره یې نقدي مرستې وکړې او هم یې تکړه زده کوونکو ته سوغاتونه ورکړل.