د پوهنې وزارت د سرچینو او ادارې معین د غزني ولایت له یو شمیر نورو مدارسو څخه لیدنه وکړه
د پوهنې وزارت د سرچینو او ادارې د معین شیخ مولوي سعیداحمد شهیدخیل په مشرۍ پلاوي، چې د غزني ولایت د پوهنې رئیس مولوي محمد منیر منصور هم ورسره ملګری وو، د یاد ولایت له (مدرسه علمیه توحید) او (مجتمع آموزشی عالی فقه) مدارسوڅخه چې د غزني ولایت په مرکز کې واقع دي، لیدنه وکړه.
هیئت د مدرسې ټولې تدریسي او اداري چارې له نږدې و ارزولې، د یادو مدارسو د مسئولینو او استادانو خدمتونه یې وستایل او زده کوونکي یې وهڅول ترڅو په خپلو لوستونو کې هڅاند واوسي او تل د خپلو علمي صلاحیتونو د لوړولو لپاره هڅه او هاند وکړي.
د یادو مدارسو مسئولینو راغلي هیئت ته تود هرکلی ووایه او د راتګ له امله یې ورڅخه مننه وکړه. هیئت له یادې مدرسې سره مالي مرسته وکړه او هم یې ممتازي زده کوونکو ته سوغاتونه ورکړل.
