د پوهنې وزارت د لیک لوست د زده کړې ریاست د رئیس په مشرۍ پلاوي د پکتیا ولایت له تعلیمي بهیر څخه لیدنه وکړه
د پوهنې وزارت د لیک لوست د زده کړې (سواد آموزي) ریاست د رئیس مولوي محمد ابراهیم عمري په مشرۍ پلاوي د پکتیا ولایت د جاني خیلو او احمد آباد ولسواليو د پوهنې له آمریتونو، دلیک لوست د زده کړې له مدیریتونو، د ښوونکو د مسلکي پراختیا له آمریتونو، ښوونځیو، تعلیمي مرکزونو او کورسونو څخه لیدنه وکړه، د یادو اداراتو او تعلیمي مراکزو تدریسي او ادارې چارې یې له نږدې و ارزولې او له اړونده مسئولینو سره یې خپلې اړینې سپارښتنې شریکې کړې.
د یاد پلاوي مشر مولوي محمدابراهیم عمري د پوهنې د سیمه ایزو مسئولینو هلې ځلې وستایلې او هغوی ته یې سپارښتنه وکړه ترڅو په هر ډول شرایطو کې خپلو دندو او مسئولیتونو ته پاملرنه ولري او د هیواد د ځوان نسل د ښوونې او روزنې د ستر رسالت په اداء کولو کې هیڅ ډول غفلت و نه کړي.
