د پوهنې وزارت د مقام دفتر لوی رئیس، د سرپل ولایت دیني مدارسو ازموینې پروسه وڅارله
د پوهنې وزارت د مقام دفتر لوی رئیس محترم شیخ محمد طاووس طارق په رسمي سفر سرپل ولایت ته لاړ او هلته یې له پوهنې رئیس محترم مولوي محمدرحماني سره د لیدنې پرمهال، د دیني مدارسو د ثانويه او مافوق ثانويه ازموینو پروسې څخه څارنه وکړه.
د سرپل ولایت پوهنې رئیس د پوهنې وزارت د مقام دفتر لوی رئیس او ورسره مل پلاوي ته د ښه راغلاست ترڅنګ، د ازموینو ترسره کولو پروسې، د ازموینو مرکزونو، د ګډونوالو شمېر او د پوهنې ریاست لخوا د چمتووالي په اړه اړین معلومات وړاندې کړل.
ورپسې د پوهنې وزارت د مقام دفتر لوی رئیس د ازموینو مرکزونو څخه لیدنه وکړه او په خپله وینا کې یې وویل: له پلان سره سم د ازموینو اصول او مقررات په کلکه مراعات کېږي او د ازموینو په مرکزونو کې موجود نظم د ستاینې وړ دی.
