د پوهنې وزارت محترم سرپرست له لوري په لوګر ولایت کې د ۵ بابه ښوونځيو نوې ودانۍ پرانیستل شوې
د پوهنې وزارت سرپرست محترم الحاج مولوي حبیب الله آغا، چې د لوګر ولایت د تعلیمي وضعیت په ارزونه او بیاکتنه بوخت دی، نن یې په یاد ولایت کې د ۵ بابه ښوونځیو نوې ودانۍ افتتاح او ګټې اخیستنې ته وسپارلې.
۱- د لوګر ولایت مرکز پل علم ښار اړوند په حصارک کلي کې د بي بي عایشه ر«ضی الله عنها» ښوونځی؛
۲- په پښتون آباد کلي کې د پشتون آباد ښوونځی؛
۳- په ده مغلان کلي کې د ده مغلان ښوونځی؛
۴- په کمال خان کلي کې د کمال خان ښوونځی؛
۵- په الیاس خان کلي کې د حاجي احمد خان ښوونځی؛
د یادونې وړ ده، د هر یو ښوونځي ودانۍ له ټولو اړینو ملحقاتو سره ۶ درسي ټولګي لري، چې له پوهنې وزارت سره د یوې همکارې ادارې لخوا د ۵۰ مېلیونه افغانیو په ټولیز لګښت جوړې شوې دي.
د پورته ذکر شویو بنسټونو د پرانیستلو په مراسمو کې، د پوهنې وزارت محترم سرپرست او مل پلاوي د شتون سربېره، د یاد وزارت د مهمو څانګو رئیسانو، د ځینو سیمه ییزو ادارو چارواکو او د همدغه ولایت یو شمېر محترمو علماءکرامو هم ګډون درلود.
