د پوهنې وزارت محترم سرپرست لوګر ولایت ته لاړ
د پوهنې وزارت سرپرست محترم الحاج مولوي حبیب الله آغا او ورسره مل پلاوی چې د تعلیمي پروژو ارزونې او د پوهنې اړوند ځینو تاسیساتو پرانیستلو په موخه د هېواد سویلختیزو ولایتونو ته په رسمي سفر تللی، نن لوګر ولایت ته ورسېد.
نوموړي د یاد سفر په ترڅ کې، د لوګر ولایت چارواکو، پوهنې مسئولینو او یو شمېر علماءکرامو سره په لیدنه کې، د تعلیمي ډګر په پرمختګونو او ستونزو خبرې وکړې او د ننګونو د حل په اصلي لارو چارو یې سلا مشورې او نظرونه تبادله کړل.
له بلې خوا د لوګر ولایت چارواکو د تعلیمي سیسټم لاپیاوړتیا او د ښوونیزو ستونزو حل په برخه کې د پوهنې وزارت له مشرتابه سره د هر اړخیزې همکارۍ ژمنه وکړه.
په ورته مهال، د پوهنې وزارت محترم سرپرست د همدغه ولایت په مرکز کې له یو شمېر مدارسو او ښوونځیو څخه هم لیدنه وکړه او د یادو ادارو له مسئولینو سره یې له نږدې وکتل.
