د پوهنې وزارت محترم وزیر د کندهار ولایت سپین بولدک ولسوالۍ له تعلیمي مرکزونو څخه لیدنه وکړه
د پوهنې وزارت د محترم وزیر الحاج مولوي حبیب الله آغا په مشرۍ یو پلاوي چې د تعلیمي وضعیت ارزونې په موخه یې کندهار ولایت ته سفر کړی، د یاد ولایت پوهنې رئیس الحاج مولوي فخرالدین نقشبندي په ملتیا سپین بولدک ولسوالۍ ته لاړ او د دې ولسوالۍ له ګڼو ښوونیزو مرکزونو څخه یې لیدنه وکړه.
د پوهنې محترم وزیر د خپل سفر پرمهال د سپین بولدک ولسوالۍ له شاوخوا ۴۵۰ تنو دیني علماءکرامو او د مدارسو له مسئولینو سره وکتل او خبرې اترې یې وکړې.
نوموړي په خپله وینا کې د دیني زدهکړو پر اهمیت ټینګار وکړ او ویې ویل چې اسلامي ا.مارت په ټول هېواد کې د پوهنیز نظام پیاوړتیا او پراختیا ته په بشپړ ډول ژمن دی.
همدارنګه، د پوهنې محترم وزیر په ځینو تعلیمي مرکزونو کې د تدریسي بهیر، د طلابو او زدهکوونکو وضعیت او د قرآنکریم د حفظ او تجوید پروسه وارزوله او اړوندو چارواکو ته یې د تعلیمي کیفیت لالوړوالي لپاره اړینې سپارښتنې وکړې.
د دې لیدنو موخه د یادو مرکزونو د تدریسي او اداري حالت ارزونه، د زدهکوونکو تعلیمي کچې ارزول، ستونزو اورېدل، وړاندیزونه او په همدغه ولسوالۍ کې د اسلامي زدهکړو کیفیت لاښهوالي لپاره اړینې لارښوونې دي.
