د پوهنې وزارت کارکوونکو چارو لوی ریاست په نوښت، ۵ ورځنی ورکشاپ پای ته ورسېد
د پوهنې وزارت کارکوونکو چارو لوی ریاست په لارښوونه، د پوهنې او مالیې وزارتونو د معاشونو سیسټم تر سرلیک لاندې د مالي او حسابداري ریاست په کارکوونکو سربېره، د مرکز او ولایتونو د پوهنې ریاستونو د معاشونو برېښنایي ثبت سیسټم مدیرانو لپاره د ۵ ورځني روزنیز پروګرام پایغونډه ترسره شوه.
لومړی د پوهنې وزارت د کیفیت تضمین معین محترم الحاج مولوي عبدالخالق صادق حاضرینو ته د ښه راغلاست ترڅنګ، ګډونوالو ته په دندو کې پر اخلاص، په معاشونو کې د روڼتیا، آسانتیاوو، حسناخلاقو او یو شمېر نورو موضوعاتو په تړاو علمي او هراړخیزه وینا وکړه.
ورپسې د پوهنې وزارت د ولایتي چارو د انسجام او همغږۍ رئیس محترم الحاج مولوي پایندهمحمد تعلیم د خپلې وینا پرمهال، په دندو کې د مسئولیت احساس، وفاداري، د وخت ارزښت او د بیت المال سپما کولو په تړاو معلومات ارایه کړل او ګډونوال یې وهڅول، ترڅو په خپلو ورځنیو دندو کې بشپړ اخلاص ترسره کړي.
یاد ورکشاپ د مسئولینو له لوري پر ګډونوالو باندې د تصدیقپاڼو په وېشلو او دعائیې په لوستلو سره پای ته ورسېد.
