د پوهنې وزیر د ټیکا رئیس او د ترکيې هیواد پوهنې وزارت له هیئت سره وکتل
پوهنې وزارت- کابل: د پوهنې وزیر ډاکتر محمدمیرویس بلخي او په افغانستان کي د ټیکا له رئیس رجايي قلیچ او د ترکيې هیواد د پوهنې وزارت له هیئت سره لیدنه وکړه.
یاده لیدنه چي پوهنې وزارت کي تر سره شوه ډاکتر بلخي د افغانستان د ښوونې او روزني له پرمختګ څخه د ترکيې هیواد له دوامداره ملاتړ نه مننه وکړه او د ښوونیز نصاب ،د ښوونځیو مدیرانو او ښوونکو لپاره د ظرفیت د لوړوالي تخصصي ورکشاپونو د جوړولو په برخه کي د ډيرو همکاريو غوښتنه وکړه.
د ټیکا رئیس او د ترکيي هیواد د پوهنې وزارت هیئت په دي لیدنه کي د همکاریو په پیاوړتیا ټینګار وکړ او د ښوونیز نصاب د اصلاحاتو په برخه او د ښوونځيو مدیرانو ، ښوونکو ته د ظرفیت لوړوالي پروګرامونو د چمتوکولو خبر ورکړ.
د یادوني وړ ده چي د ترکي هیواد د پوهنې وزارت هیئت په خپل سفرکي د کابل ښار له یو شمیر ښوونځيو څخه لیدنه وکړه.
