د پکتیا ولایت له ښوونځیو سره د عامو خلکو مرستې دوام لري
![sdaffsad](/sites/default/files/2024-06/449173679_445320008495928_798161509800498838_n.jpg)
په دې وروستیو کې د پکتیا ولایت د ښوونځیو شوراګانو، ځوانانو، د زرمت ولسوالۍ خلکو او پوهنې مینه والو، د یاد ولایت په یو شمېر ښوونځیو کې د درسي خونو، احاطوي دېوالونو او مسلکي ښوونکو د نشتوالي د ستونزو د حل په موخه، لاندې مرستې وکړې:
۱- د حبیب الله زرمتي عالي لېسې د ۵ درسي او اداري ټولګیو د جوړولو لپاره، د یو میلیون او ۵۵۸ زره افغانیو مرسته.
2- د شاوخوا ۱۵۰۰۰ افغانیو په ارزښت، د یادې ولسوالۍ د ښاري لېسې څانګې لپاره د 5 خېمو مرسته.
۳- د یو لک او ۶۳ زره افغانیو په لګښت د زوړ کوهي لومړني ښوونځی لپاره د ۳ درسي ټولګیو، یوې اداري خونې او تحویل خونې جوړول.
۴- د څه د پاسه ۴۳ زره افغانیو په لګښت، د هزارخېلو د نجونو لومړني ښوونځي لپاره ۲ تختې خېمې او احاطوي دېوال جوړول.
۵- د کلالګو عالي لېسې لپاره د۵۰ زره افغانیو په لګښت دوه درسي خونې جوړې شوې.
د پوهنې وزارت مشرتابه د پکتیا د زرمت ولسوالۍ د ولسونو، ځوانانو او د ښوونځیو شوراګانو د مرستو او ملاتړ هرکلی کوي او له نورو هېوادوالو غواړي، چې د هېواد له پوهنیز نظام سره خپلو همکاریو ته دوام ورکړي.