د کابل ښار د دشت برچي په سیمه کې په کاج تعلیمي مرکز کې د چاودنې د تقبیح په هکله د پوهنې وزارت اعلامیه
په خواشینۍ سره مو خبر تر لاسه کړ چې د تیرې جمعې په ورځ د کابل ښار د دشت برچي په سیمه کې د کاج په نامه په یو تعلیمي مرکز کې چاودنه شوېده، چې له امله یې زمونږ په لسګونو هیوادوال زده کوونکي شهیدان او ټپیان شویدي. د اسلامي امارت د پوهنې وزارت یاد غیر انساني او غیر اسلامي جنایت په شدیدو ټکي غندي، د الله تعالی له درباره شهیدانو ته د جنت فردوس او ټپيانو ته د عاجلې شفاء غوښتنه کوي. د یادې غمجنې پېښې د قربانیانو کورنیو ته د تسلیت مراتب وړاندې کوو او د هیواد په امنیتي ارګانونو غږ کوو چې د تعلیمي مراکزو د امنیت په تامین کې پوره هڅه او هاند وکړي.
والسلام
الحاج مولوي حبیب الله آغا
د پوهنې وزارت سرپرست وزیر
