د کابل ښار په بي بي حوا عالي لېسه کې یو جومات پرانیستل شو
د کابل ښار د يوولسمې ناحيې اړوند د بي بي حوا عالي لېسې آمر، ښوونکو او زده کوونکو په خپل شخصي لګښت، د يادې لېسې لپاره يو جومات، د اوداسه خونه، کتابتون او روغتيايي مرکز جوړ او د یاد ښار د پوهنې رئیس، مسئولینو،علماوو، مشرانو او د خلکو د استازو په حضور کې ګټې اخیستنې ته وسپارل شو.
د کابل ښار پوهنې رئیس حافظ عبدالباسط حقاني د بي بي حوا لېسې له پرسونل څخه د مننې او قدردانۍ په ترڅ کې د جوماتونو جوړول د اسلام له نظره صدقه جاریه عمل وباله. ويناوالو هم په دې اړه خبرې وکړې او له شتمنو خلکو يې وغوښتل، تر څو د هېواد د پوهنې په برخه کې همکاري وکړي.
