د کډوالو او راستنېدونکو چارو وزارت سرپرست د پوهنې وزارت له سرپرست سره وکتل
د کډوالو او راستنېدونکو چارو وزارت سرپرست الحاج خلیل الرحمن حقاني د پوهنې وزارت له سرپرست الحاج مولوي حبیب الله آغا سره وکتل او د دې لیدنې په ترڅ کې د دواړو وزارتونو ترمنځ پر دوه اړخیزه همکاریو خبرې وشوې.
په پیل کې د پوهنې وزارت سرپرست د ڪډوالو او راستنېدونکو چارو وزارت سرپرست ته د ښه راغلاست ترڅنګ، په یو لړ مهمو موضوعاتو، د کډوالو په ښارګوټو کې د ښوونځیو جوړولو، د کډوالو زدهکوونکو لپاره د لازیاتو ښوونیزو آسانتیاوو په برابرولو او یو شمېر نورو اړوندو موضوعاتو تفصیلي خبرې وکړې.
په پای کې د دواړو لورو ترمنځ، د ستونزو پرحل، ګډو همکاریو او په راتلونکي کې د ورته مجلسونو پر دوام ټینګار وشو.
