راځې چې مطالعه وکړو
پوهنې وزارت، ننګرهار :جلال اباد ښار کې د نازوانا لېسې زده کوونکو د مطالعې فرهنګ دودونې په موخه کمپاین پیل کړ. چې موخه یې د ښوونځیو پر کتابونو سربیره د اضافي معلوماتو تر لاسه کولو لپاره مطالعې ته د زده کوونکو هڅونه وه، د یاد کمپاین په ترڅ کې ګڼ شمېر کتابونه هم د زده کوونکو له لورې نندارې ته وړاندې شول.
د جلال اباد ښار د پوهنې امر دلاورمومند د نازوانا لیسې د تشبث مضمون د زده کوونکو دا هڅه وستایله او له ټولو زده کوونکو یې وغوښتل چې مطالعې ته مخه کړي. او د دې کمپاین پیغام خپلو ملګرو او د کورنیو له غړو سره هم شریک کړي.
