غزني ولایت کې د سواد زده کړې له کورسونو څخه په لسګونو پولیس فارغ شول
د غزني ولایت امنیې قوماندانۍ اړوند د ا.ا.ا. ۱۶۵تنه پولیس م.جاهدین د سواد زده کړې کورسونو له ۹ میاشتنۍ ښوونیزې دورې وروسته فارغ او د فراغت مراسم یې د یاد ولایت پوهنې رئیس، امنیې قوماندان، امنیتي مسئولینو او دیني علماوو په حضور کې ترسره شول.
د غونډې ويناوالو فارغانو ته د فراغت د مبارکۍ ترڅنګ، د اسلام د سپېڅلي دين له نظره د لیک لوست او زده کړې پر اهميت خبرې وکړې، نالوستي او کم لوستي کسان يې د علومو زده کړې ته وهڅول.
د يادونې وړ ده، چې د سواد زده کړې د کورسونو ښوونیزې چارې د غزني ولايت د پوهنې رياست له لوري د یاد ولايت د امنيتي ادارو په همکارۍ پيل شوې وې او په پای کې د پوهنې رياست له خوا په فارغانو د فراغت تصدیق پاڼې هم ووېشل شوې.
