له ولایتونو څخه د پوهنې خبرونوته لنډه کتنه
![123](/sites/default/files/2023-09/whatsapp_image_2023-09-17_at_1.47.19_pm_1.jpeg)
بغلان
د بغلان ولایت پوهنې رئیس الحاج مولوي محمد نور عزیزي په مزارشریف کې د افغان – ترک لیسې له مرستیال سید شهزاد حسیني سره وکتل او پر مهمو علمي مسایلو یې خبرې وکړې.
د یادې لیدنې په ترڅ کې، د آزموینو په ترسره کولو، نصاب، د نویو زده کوونکو په ګمارنې، د فیسونو د ورکړې او نورو مسایلو په اړه بحث او لازم تصمیمونه ونیول شول.
پکتیا
د پکتيا ولايت د پوهنې رياست مسئولينو، ديني علماوو، زده کوونکو او د هغوى د کورنيو په ګډون د يو لړ مراسمو په ترڅ کې د سږ کال د کانکور آزموينې ممتاز زده کوونکي وستایل.
د پکتيا پوهنې رئيس مولوي عبدالوکيل خالد او يو شمېر نورو ويناوالو بریالیو زده کوونکو ته مبارکي وويله او هغوی یې راتلونکو مسئولیتونو ته وهڅول.
کابل
د کابل ولایت پوهنې رئیس مولوي عبدالحق حقاني د بګرامي ولسوالۍ اړوند دارالاېتام اداري او تدریسي چارې و ارزولې او د هغوی د څلور نیم میاشتنیو آزموینو څخه یې څارنه وکړه.
غزني
د غزني ولايت پوهنې رياست د پايلو او سندونو د مدېريت پنځه تنه موقتي کارکوونکي چې په رقابتي آزموينه کې بريالي پېژندل شوي وو، د یاد رياست د پوهنې رئیس له لوري اړوندو کارکوونکو ته ور وپېژندل شول.
بغلان
د بغلان ولایت پوهنې ریاست اړوندو کارکوونکو ته د قرآن کریم د تفسیر او ترجمې په اړه یو ساعته درسي حلقه پیل کړه.
ویل کیږي، د یاد ولایت پوهنې ریاست له لوري به ګډون والو ته د تفسیر او ژباړې سندونه هم ووېشل شي.