له ولایتونو څخه د پوهنې کړنو ته لنډه کتنه
هلمند
د هلمند ولایت پوهنې رئیس الحاج مولوي محمد عوض انصاري، د یاد ولایت په ګرشک ولسوالۍ کې د شهداء الصالحین، ریاض العلوم الاسلامیه او حبیبیې مدارسو له فعالیتونو څخه لیدنه وکړه.
نوموړي د يادې ولسوالۍ د تعليمي او اداري حالت ښه والي په موخه، مسئولينو ته یو لړ وړاندیزونه او لارښوونې وکړې.
ننگرهار
د ننګرهار ولایت پوهنې ریاست، له ګاونډیو هېوادونو څخه د راستنو شویو ۴۶۵ماشومانو څخه، د ښوونیزو ټولګیو لپاره د سویې د تثبیت آزموینه واخیسته.
د مسئولینو په وینا، ګډون وال به له آزموینې وروسته د دوی له تعلیمي سویې سره سم، د نیږدې ښوونځیو په اووم، اتم او نهم ټولګیو کې جذب شي.
پروان
د پروان ولایت ښوونې او روزنې آمر او د لوړو زده کړو وزارت پلاوي ترمنځ، د ۱۴۰۲ لمریز کال کانکور آزموینې لپاره د چمتوالي غونډه، جوړه شوه.
په یاده غونډ کې، د آزموینې نوماندانو لپاره د فورمو ډکولو او کارت اخیستلو بهیر، د پوښتنو د حل لارښوونې او د آزموینې اړوند یو شمېر موضوعاتو په اړه هر اړخیز بحث وشو.
بغلان
دبغلان ولايت د اسلامي زده کړو آمر، د مرکزي بغلان ولسوالۍ دقطيبه بن سعيد البغلاني دیني مدرسې له اداري او ښوونيزو چارو څخه څارنه وکړه .
نوموړي دښوونيز نصاب په تطبيق د ټينګار ترڅنګ، ښوونکو او زده کوونکو ته د نظم او دسپلين په تړاو ځانګړې لارښوونې وکړې.
ننگرهار
د ننګرهار ولایت پوهنې رئیس مفتي حبیب حضرت حقانی او د لوړو زده کړو وزارت پلاوي ترمنځ، د یاد ولایت د ۱۴۰۲ لمریز کال کانکور آزموینې د چمتووالي او آسانتیاوو برابرولو په موخه، غونډه جوړه شوه.
په یاده غونډه کې ، د آزموینې نوماندانو لپاره د فورمو ډکولو او کارت اخیستلو بهیر، د پوښتنو د حل لارښوونې او د آزموینې اړوند یو شمېر موضوعاتو په اړه هر اړخیز تفصیلي بحثونه وشول.
