میدان وردک کې د چټګو زده کړو ټولګیو ښوونکو ته د ظرفیت لوړونې ورکشاپ جوړ شو
د پوهنې وزارت_میدان وردک: د میدان وردک ولایت د چټګو زده کړو د ټولګیو د ښوونکو لپاره د ظرفیت لوړولو دري ورځنۍ روزنیز ورکشاپ د یاد ولایت د ښوونکو د روزنې دریاست د غونډو په تالار کې پیل شو.
د دغه ورکشاپ موخه د یادو ښوونکو د ظرفیت لوړول دي چې د يونیسف نړیوالې ادارې په مالي مرسته او د پوهنې ریاست په همکاری د دریو ورځو لپاره جوړ شوی، چې د میدان وردک ولایت د مرکز او ولسوالیو د چټګو زده کړو ۲۲ تنه ښوونکې پکې ګډون لري.
د میدان وردک ولایت د پوهنې رییس د یونیسف له ادارې مننه وکړه، چې تل یې د پوهنې ریاست سره د ښوونکو د ظرفیتونو په لوړولو او نورو برخو کې مرستې کړې دي.
د پوهنې رییس د دې ورکشاپ له ګډونوالو ښوونکو وغوښتل، چې یادېدونکي مسایل په سمه توګه وڅاري او د تدریس پر مهال یې په ټولګیو کې عملي کړي.
