ننګرهار ولایت کې ښوونکو او د پوهنې ریاست کارکوونکو ته د کرونا واکسین لګول کیږي
ننګرهار ولایت کې ښوونکو او د پوهنې ریاست کارکوونکو ته د کرونا واکسین لګول بهیر د یاد ولایت د پوهنې رئیس حسیب الله شینواري په شتون سره رسمآ پیل شو.
نوموړي د یادې لړۍ د پیلولو په پار د عامي روغتیا وزارت څخه مننه وکړه، له ټولو خلکو او په ځانګړي ډول د پوهنې ریاست له کارکوونکو، ښوونکو او زده کوونکو نه یې وغوښتل چې یوازې د واکسین په لګولو دې بسنه نه کوي، بلکې د عامې روغتیا وزارت ټولې سپارښتنې دې په پام کې ونیسي، څو د کرونا وایروس له خپریدا څخه مخنیوی وشي. ځکه د ښوونې او روزنې برخې کارکوونکي کې هم د روغتیایي کارکوونکو په څیر د دې وژونکې ناروغۍ له جدي ګواښ سره مخ دي.
د ننګرهار ولایت د پوهنې رئیس ډاکټر نصیراحمد دراني وویل: په لومړي پړاو کې (۲۴) زره دوزه واکسین موږ ته راکړل شوی و، چې روغتیایي کارکوونکو ته ولګول شو او اوس دا دی (۲۰) زره دوزه نور راکړل شوی واکسین به ښوونکو، د پوهنې، پوهنتونو او رسنیو برخو کارکوونکو ته ولګول شي.
نوموړي زیاته کړه: کوم واکسین چې موږ ته را رسیدلی هغې د یوې مشهورې انګلیسي کمپنۍ تولید دی چې ۹۰ سلنه ګټورتوب لري.
ښاغلي دراني زیاته کړه: یاد واکسین به د یادو شویو برخو کارکوونکو ته ولګول شي خو سپین ږیري او سپین سرې به لومړيتوب ولري.
