په بغلان ولایت کې د احسن المدارس مدرسې بنسټ ډبره کېښودل شوه.
![123](/sites/default/files/2023-06/whatsapp_image_2023-06-25_at_11.52.59_am.jpeg)
د بغلان ولایت د پوهنې رئیس مولوي محمد نور عزیزي د تاله او برفک په ولسوالۍ کې د احسن المدارس مدرسې بنسټ ډبره کېښودله.
د الحاج عبدالقادر په نوم یو تن د يادې مدرسې لپاره یو جریب شاوخوا کې خپله شخصي ځمکه ځانګړي کړه، چې د رغولو لګښت يې د وزارت د بودیجې څخه ورکول کیږي.
د بغلان ولایت پوهنې رئیس د هېواد له هغو خلکو څخه چې د پوهنې په برخه کې د دوی ملاتړ کوي مننه وکړه او زیاته یې کړه چې په ټول هېواد کې د ديني او عصري ښوونیزو بنسټونو پرمختګ د پوهنې وزارت له اساسي موخو څخه دی، او د یاد شخص څخه چې خپله شخصې ځمکه یې د مدرسې لپاره ځانګړی کړې وه مننه وکړه او دا مرسته یې صدقه جاریه وبلله.
د تاله او برفک دیني علماوو او اوسېدونکو د دې مدرسې د جوړېدو هرکلی وکړ ، دوی د پوهنې وزارت په ځانګړي ډول د بغلان ولایت د پوهنې ریاست د ښوونې او روزنې د خدماتو وړاندې کولو په برخه کې يې له یاد ریاست خپل ملاتړ اعلان کړ.
علماوو له خلکو وغوښتل چې خپل اولادونه د ديني او عصري علومو زده کړو ته وهڅوي.